प्रचण्डले जेष्ठ नागरिकको अपमान गरेको भन्दै आन्दोलन

पोखरा- कास्की यतिबेला चुनावमय छ। त्यहाँको चुनावको चर्चा देशभर छ । चुनावले तातेको कास्कीमा पछिल्लो समय नेपाली कांग्रेसका सभापति शेर बहादुर देउवा र नेकपाका अध्यक्ष प्रचण्डले पनि आगोमा घिउ हाले जसरी तताएका छन् ।

पूर्व प्रधानमन्त्री समेत रहेका प्रचण्डले वृद्धहरूको अपमान गरेको भन्दै पोखरामा बिरोध प्रदर्शन पनि भैरहेको छ । बिहिबार दिउसो जेष्ठ नागरिकहरुको एउटा समूहले प्रचण्डको विरुद्धमा विरोध प्रदर्शन अमेत गरेका छन्।

जेष्ठ नागरिकहरूले प्ले कार्ड लिएर प्रचण्डविरुद्ध प्रदर्शन गरेका छन् । उनीहरूले प्रचण्डले जेष्ठ नागरिकको अपमान गरेको आरोप लगाएका छन् । जेष्ठ नागरिकको समुहले नारा समेत लगाएको बताइएको छ । वृद्ध बिरोधि प्रचण्ड मुर्दावाद भन्दै विरोध गरेका थिए ।

बुधबार पोखरामा आयोजित कार्यक्रममा दाहालले विपक्षी दलका उम्मेदवार खेमराज पौडेललाई ७७ वर्र्षको वृद्ध देवघाट गएर ध्यान र ज्ञान सिक्ने उमेरमा किन चुनावी मैदानमा उत्रिएको भनि भाषण गरेका थिए ।