प्रधानमन्त्रीले अस्पतालबाटै दिए सबैलाई धन्यवाद

काठमाडौँ – प्रधानमन्त्री केपी शर्मा ओलीले अस्पतालबाटै ट्वीट गरेका छन् । उनले आफ्नो स्वास्थ्य तीव्र गतिमा सुधार भइरहेको उल्लेख गरेका छन् ।

सामाजिक सञ्जाल ट्विटरमा बिहीबार बिहान ट्विट गर्दै प्रधानमन्त्रीले आफ्नो स्वास्थ्यस्थितिबारे चासो राख्ने, शुभेच्छा प्रकट गर्ने सम्पूर्ण दाजुभाइ तथा दिदीबहिनीहरुमा हार्दिक धन्यवाद व्यक्त गरेका छन् ।

उनले लेखेका छन् ‘बितेका दुई दिनयता म एपेन्डिसाइटिसको शल्यक्रिया गरी स्वास्थ्योपचार गराइरहेको छु । यतिबेला मेरो स्वास्थ्य तीव्र गतिमा सुधार भइरहेको छ । स्वास्थ्यस्थिति बारे चासो राख्नुहुने, शुभेच्छा प्रकट गर्नुहुने सम्पूर्ण दाजुभाइ तथा दिदीबहिनीहरुमा हार्दिक धन्यवाद व्यक्त गर्दछु’ ।