मोटरसाईकलको ठक्करबाट एक जनाको मृत्यु

कञ्चनपुर । मोटरसाईकलको ठक्करबाट कञ्चनपुरमा
एक जनाको मृत्यु भएको छ । पूर्व–पश्चिम राजमार्ग अन्तर्गत कञ्चनपुरको कृष्णपुर नगरपालिका- ५ गजरौला भन्ने स्थानमा मोटरसाइकलको ठक्करबाट एक जनाको मृत्यु भएको हो ।

मृत्यु हुनेमा तिलुदेवी कुँवर रहेको इलाका प्रहरी कार्यालय झलारीका प्रहरी निरीक्षक नैन बहादुर सावदले जानकारी दिए । सावद्का अनुसार, बिहिबार साँझ धनगढी देखि महेन्द्रनगर तर्फ सवार से १ प १६५६ नम्बरको मोटरसाइकलको ठक्करबाट घाइते भएकी कुँवरको सेती प्रादेशिक अस्पताल धनगढीमा उपचारका क्रममा मृत्यु भएको हो ।

मोटरसाइकल चालक कञ्चनपुरको भीमदत्त नगरपालिका- १३ का अमिर तिरुवालाई इलाका प्रहरी कार्यालय झलारीको नियन्त्रणमा लिई थप अनुन्धान भईरहेको जनाएको छ ।