मोटरसाइकल दुर्घटना: १३ लाख दिने सहमतिमा सडक सुचारु
विशाल पाण्डेय/सुखड,कैलाली ।
कैलालीको घोडाघोडी नगरपालिका- १० पहलमानपुरमा बस र मोटरसाईकल ठोक्किदा दुई जनाको मृत्यु भएपछि अवरुद्ध बनेको पुर्व पश्चिम् राजमार्ग सुचारु भएको छ ।
घटनाको विरोधमा अवरुद्ध पारिएको सडक दुई पक्षबिच भएको सहमती पछि खुलेको हो । पिडितलाई १३ लाख दिने सहमती पछि अवरोध हटेको ईलाका प्रहरी कार्यालय सुखडले जनाएको छ ।
आइतबार साझ कञ्चनपुरको दोधारा चाँदनीबाट पिकनीक खायर नेपालगञ्ज तर्फ जादै गरेको भे १ ख १७३२ नंम्वरको बसले घोडाघोडी नगरपालिका–१० पहलमानुरमा से ३ प ६३७६ नंम्वरको मोटरसाइकललाई ठक्कर दिँदा मोटरसाईकल चालक घोडाघोडी -१० का ४० बर्षिय राम बहादुर चौधरी तथा मोटरसाइकलमा सवार सोही ठाउँका ४२ बर्षिय मान बहादुर चौधरीको मृत्यु भएको थियो ।
दुर्घटनामा मोटरसाईकल चालक राम बहादुर चौधरीको घटनास्थलमै मृत्यु भएको थियो भने मोटरसाईकलमा सवार मान बहादुर चौधरीको उपचारको क्रममा सेती अञ्चल अस्पतालमा मृत्यु भएको थियो ।