म्याग्दीमा बस दुर्घटना हुँदा चारको मृत्यु, दर्जनौं घाइते, उद्धार हुँदै
म्याग्दी : म्याग्दीको बिम भन्ने ठाउँमा बस दुर्घटना भएको छ। मालिका गाउँपालिकास्थित बिममा आइतबार साँझ यात्रुबाहक बस दुर्घटना हुँदा चारजनाको घटनास्थलमा नै मृत्यु भएको छ।
मृतकको सनाखत भने हुन नसकेको प्रहरीले जनाएको छ । बाँकी यात्रुको उद्दार भैरहेको जनाइएको छ ।
दरबाङबाट यात्रु लिएर गएको ग १ ख ४४७६ नम्बरको बस बिममा दुर्घटना भएको हो।
घाइतेलाई प्राथमिक उपचार केन्द्रतर्फ ल्याउने क्रम जारी रहेको प्रहरीले जनाएको छ ।
कति जना घाइते छन् भन्ने खुल्न सकेको छैन। प्रहरी र स्थानीय उद्धारमा जुटिरहेका छन्। बसमा तीसजना यात्रु रहेको बताइएको छ । फाइल तस्बिर