तरुणदलका नेता हतियार सहित पक्राउ
नेपालगञ्ज । तरुणदलका नेता हतियारसहित पक्राउ परेका छन्। तरुणदल नगर सभापती रहेका सन्दिपजंग शाह हतियार सहित पक्राउ परेका हुन् ।
इलाका प्रहरी कार्यालय कोहलपुरले नेपालगञ्ज उपमहानगरपालिका वडा नं. २० स्थीत नमस्ते भिलेज रिसोर्टबाट गएराती शाह सहित ६ जनालाई नियन्त्रणमा लिएको जनाएको छ ।
प्रहरीलाई प्राप्त सुचनाका आधारमा नमस्ते भिलेज रिसोर्टमा पार्किङ गरिएको बा १८ च ४२११ को कार चेकजाच गर्ने क्रममा उक्त हतियार फेला परेको प्रहरीले जनाएको छ । उक्त कारको चालक बस्ने सिटको मुनि लुकाई राखेको अटोमेटिक पेस्तोल बुलेट लोडेड म्याग्जीनसहित बरामद गरेको इलाका प्रहरी कार्यालय कोहलपुर प्रहरीले जनाएको छ ।
प्रहरीका अनुसार पेस्तोल सहित पक्राउ पर्नेमा नेपालगञ्ज उपमहानगरपालिका वडा नं. १३ रामबाघ बस्ने बर्ष ३२ को संदिपजंग शाह सहित दिनेश शाही, राघब शाह सानु , माधब नेपाली, जय बहादुर बुढा र प्रितम थापा मगर रहेका छन् ।
उनीहरूमाथि अनुसन्धान भैरहेको प्रहरीले बताएको छ ।