बैतडीको बस दुर्घटनामा २० घाइते
धनगढी – बैतडीमा बस दुर्घटना भएको छ । दुर्घटना हुँदा २० जना घाइते भएका छन् ।
बैतडीको पाटन नगरपालिका–६ लार्खा भन्ने स्थानमा शनिबार बिहान साढे तीन बजे बस दुर्घटनामा परेको जिल्ला प्रहरी कार्यालय बैतडीले जनाएको छ ।
घाइते मध्य १४ जना बैतडीकै पाटन अस्पतालमा उपचारपछि घर फर्केका छन् भने ६ जनालाई डडेल्धुरा अस्पताल रेफर गरिएको प्रहरीले जनाएको छ ।
शुक्रबार महेन्द्रनगरबाट बैतडीको मेलौलीका लागि छुटेको ना ४ ख ४०१९ नम्बरको महाकाली यातायातको बस अनियन्त्रित भएर सडकबाट कम्तिमा १० मिटर तल खेसेको थियो । फाइल तस्बिर