पतिको अण्डकोष काट्ने श्रीमती पक्राउ
तेह्रथुम । पतिको अण्डकोष काटेर घाइते बनाउने एक महिलालाई प्रहरीले पक्राउ गरेको छ । म्याङलुङ नगरपालिका ३ बस्ने चन्द्रमाया रसाईलीले पनिको अण्डकोष काटेर घाइते बनाएको भन्दै प्रहीले पक्राउ गरेको हो ।
बिहीबार राति पति फौदबहादर रसाईलीको अण्डकोष काटेर हत्या गर्न खोजेको उनीमाथि अभियोग लागेको छ ।
सामान्य घरायसी झगडामा मादक प्रदार्थ सेवन गरेका पति ६० वर्षीय फौदबहादुर रसाइलीको चन्द्रमायाले अण्डकोष धारिलो हतियार प्रयोग गरि क्षतविक्षत पारिदिएकी थिइन् ।
अण्डकोष काटिएपछि घाइते भएका फौदबहादुरको जिल्ला अस्पतालमा उपचार भइरहेको छ ।
जिल्ला अस्पतालका चिकित्सकहरूले रसाईलीलाई जिल्ला बाहिर लगेर उपचार गर्न सुझाव दिएका छन् । तर, परिवारका सदस्यले घरको आर्थिक अवस्था कमजोर भएकाले बाहिर लगेर उपचार गर्न नसकिएको जनाएका छन् ।
जिल्ला प्रहरी कार्यालय तेह्रथुमका प्रमुख डिएसपी प्रधानका अनुसार चन्द्रमायालाई म्यादथप गरि अनुसन्धान थालिएको छ ।