सुदूरपश्चिममा अग्रिम टिकट बुकिङ सुरु

कैलाली । बडा दसैंका लागि बसको अग्रिम टिकट बुकिङ खुला गरिएको छ । नेपालीहरुको महान चाड दसैं, तिहार तथा छठका लागि घर जान आउन सहज होस भन्ने हेतुले सुदुर पश्चिम् प्रदेशका बस व्यावसायिहरुले मंगलबारबाट अग्रिम बस टिकट खुला गरेका हुन् ।

दशै आउन दुई साता बाकी छदा अग्रिम टिकट बुकिङ सुरु भएपछि यात्रुहरुलाई सहझ भएको सुदूरपश्चिम यातायात व्यवसायी संघले जनाएको छ । दशै, तिहारमा घर जाने वा फर्केने यात्रुहरुलाई लक्षितगरि अग्रिम टिकट बुकिङ सुरुगरिएको यातायात व्यवसायी संघले जनाएको छ ।

चाडपर्वको बेलामा यात्रुहरुलाई कुनै समस्या नहोस भनेर बसपार्कमा ट्राफिक प्रहरीले यात्रु सहायताकक्ष समेत स्थापना गरेको छ । यस्ता चार्डपर्वमा यात्रुहरु ठगिने तथा लुटिने समस्याको अन्त्य गर्न सहायताकक्ष स्थापना गरिएको अस्थाई ट्रार्फिक प्रहरी बसपार्कका ईन्चार्ज रामबहादुर थापाले बताए ।

चाडपर्वलाई लक्षित गरि धनगढीबाट सुदूरपश्चिम प्रदेशका पहाडी जिल्लामा जाने यात्रुका लागी अग्रिम टिकट बुकिङ सुरु गरिएपछि यात्रुहरूमा पनि खुसी छाएको छ । फाइल तस्वीर :