योगेश भट्टराईले भने- अब मलाई प्रचण्डको साथ् चाहियो

काठमाडौं– संस्कृति पर्यटन तथा नागरिक उड्डयन मन्त्री योगेश भट्टराइले प्रचण्डसँग साथ् मागेका छन् । उनले भरतपुर विमानस्थलको विस्तारको लागि अध्यक्ष प्रचण्डको साथ चाहिएको बताएका हुन् ।

बिस्तार गर्न लागिएको भरतपुर विमानस्थल नजिकैको नेपाली सेनाको ब्यारेक र घोडा प्रजनन केन्द्र हटाउनकोलागि मन्त्री भट्टराईले सहयोग मागेका हुन् । सेनाले चर्चेको जग्गा विमानस्थलको विस्तारमा आवश्यक पर्ने भन्दै मन्त्री भट्टराईले रक्षामन्त्री, प्रधानसेनापति र पर्यटन मन्त्रालयको संयुक्त बैठक राखिदिन पनि अनुरोध गरे ।

विमानस्थल विस्तार तथा सुधारका विषयमा बुधवार चितवनमा सर्वदलीय बैठक राखिएको थियो । एक हप्ताभित्र बैठक बस्न सके भरतपुर विमानस्थलको लागि फेरि बैठक बस्न आवश्यक नरहेको बताए ।