रूख ढल्दा एक महिलाको मृत्यु

विशाल पाण्डेय/कैलाली

कैलालीमा रूख ढल्दा एक महिलाको ज्यान गएको छ । जिल्लाको घोडाघोडी नगरपालिका वडा नं. ४ भालुफाटाको जङ्गलमा बाख्रा चराउन गएको बेलामा रूख ढली च्यापेर महिलाको मृत्यु भएको ईलाका प्रहरी कार्यालय सुखडले जनाएको छ ।

सोही स्थानकी करिब ४५ वर्षिया जल रावतको मृत्यु  भएको ईलाका प्रहरी कार्यालय सुखडका प्रहरी निरीक्षक यक्ष राज जोशीले जानकारी दिए । जोशिका अनुसार करिब २:३० बजे जङ्गलमा बाख्रा चराउन जाँदा बर्भेवाको रूख ढलेर महिलाको घटनास्थलमै ज्यान गएको हो ।

(साङ्केतिक चित्र)