अपडेट : भक्तपुरमा केन्द्रबिन्दू – यो पटकको भूकम्प फरक
काठमाडौं- काठमाडौंमा शनिबार अपराह्न फरक किसिमको शक्तिशाली भूकम्पका धक्का महसुस गएको छ ।
अपराह्न ४ बजेर १५ मिनेटमा जमिनै हल्लाउने गरी भूकम्प गएको हो ।
भक्तपुरको दूधपाटीमा केन्द्रबिन्दू बनाएर ४.६ रेक्टरको भूकम्प गएको भूकम्प मापन केन्द्रले जानेको छ ।
यसअघि भन्दा योपटक भूकम्पको फरक महसुस भएको छ । यसअघि जमिन दायाँबायाँ हल्लिने गरेकामा शनिबार तलबाट माथि उफारेको जस्तो महसुस भएको थियो ।
भूकम्पको धक्का भक्तपुरसहित काठमाडौं, ललितपुर, काभ्रे आसपासका जिल्लामा महसुस भएको बताइएको छ ।
पानी परिरहेका बेला भूकम्प आएको थियो । मानिसहरु भूकम्पपछि आत्तिँदै बाहिर आएका थिए ।