बीपीको विचारले कमल थापालाई छटपटी भएपछि

काठमाडौँ –

काठमाडौँमा आयोजित पार्टी प्रवेश कार्यक्रमलाई सम्बोधन गर्दै राष्ट्रिय प्रजातन्त्र पार्टीका अध्यक्ष कमल थापाले बीपीको विचार बोक्दा खुशी हुनुपर्नेमा उल्टो पीडा र छटपटी हुनु बिडम्बना भएको बताएका छन् । उनले काङ्ग्रेस र कम्युनिस्टप्रति जनता विरक्त हुँदै गएको बताए ।

सयौँ कार्यकर्ता राष्ट्रिय प्रजातन्त्र पार्टीमा प्रवेश हुनुले राप्रपालाई वैकल्पिक शक्तिको रूपमा स्थापित गर्न शुभ सङ्केतको आरम्भको रूपमा लिएको बताए ।

उनले एकता महाधिवेशनलाई आधार मानेर ढिला नगरी पार्टी एकतामा आउन पशुपति शमशेर जबरा र डा. प्रकाशचन्द्र लोहनीलाई आग्रह गरे। थापाले मुलुकको पछिल्लो तरल राजनीतिक अवस्थामा बलियो राष्ट्रवादी प्रजातान्त्रिक शक्ति देशले खोजिरहेको पनि बताए ।

काङ्ग्रेस र कम्युनिस्टको वैचारिक असफलताविरुद्ध संवर्द्धनवादको वैचारिक दर्शन अब जनताको रोजाइ हुने उनको दाबी थियो ।