विष्णु पौडेल र सीके कनेक्सन : भिआइपी कक्षमा जे देखियो
काठमाडौं – नेपाल कम्युनिष्ट पार्टी नेकपाका महासचिव बिष्णु पौडेल र जनमत पार्टीका अध्यक्ष तथा फ्री मधेस आन्दोल चलाएका पृथकतावादी नेता सी के राउत संगै देखिएपछी बहस चर्किएको छ ।
पौडेल सोमबार साँझ दक्षिण कोरियाको भ्रमणमा निस्कँदा विमानस्थलको भिआइपी कक्षमा देखिएको संगै बसेको उनीहरुको तस्वीरले यसमा मलजल गरेको छ ।
बालुवाटारको जग्गा काण्डबाट एकाएक बिबादमा तानिएका पौडेल पार्टीमा ठुलो पहुँच राख्ने नेताका रुपमा प्रतित छन् । यहि पहुँचकै आधारमा उनीमाथि पार्टी नेतृत्वले बालुवाटार काण्डमा एक्सन लिन नसकेको जानकारहरु बताउने गरेका छन । तर पार्टीको एक तह र सामाजिक संजालमा उनीप्रति निकै आक्रोश पोखिएको थियो ।
सीके राउत बिमानस्थलमा विष्णु पौडेलसंग किन देखिए भन्ने एकिन नभएपनि उनीहरुबीचको सामिप्यताले ठुलो अर्थ राख्ने गर्छ । नेकपा केन्द्रीय कार्यालयका सचिव कृष्ण गोपाल श्रेष्ठले सार्वजनिक गरेको तस्बिर अहिले सामाजिक संजालमा भाइरल नै बनेको छ ।
युरोप भ्रमणबाट नेपाल आए लगत्तै बिष्णु पौडेलसँग विमानस्थलमा देखिनु सामान्य बिषय नभएको नेकपा निकट एक नेताले बताएका छन् । ति नेताले भने ‘जबकी सी के राउत छुट्टै पार्टीका अध्यक्ष हुन्, यो भन्दा अगाडी पौडेलजीसँग खास सम्बन्ध पनि छैन। त्यसैले यो गम्भीर बिषयपनि हो’ ।