माइतीघरमा मानवसागर – विशाल प्रदर्शन(फोटो फिचर)

काठमाडौँ –

काठमाडौँको माइतीघर मण्डलामा गुठी पक्षधरहरूले विशाल प्रदर्शन गरेका छन् । हजारौँ गुठी पक्षधरहरू प्रदर्शनमा सहभागी छन् । गुठीसम्बन्धी विधेयकको चौतर्फी विरोधपछि भूमि व्यवस्था मन्त्री पद्मा अर्यालले मङ्गलबार सो विधेयक फिर्ता लिएकी थिइन्।

सरोकारवालासँगको छलफलका लागि विधेयक फिर्ता लिएको उनले बताएकी थिइन् । गुठी पक्षधरहरूको प्रदर्शनका कारण थापाथली, त्रिपुरेश्वर, माइतीघर मण्डला लगायतका विभिन्न स्थानको सवारी आवागमन ठप्प बनेको छ । प्रदर्शनकारीले सरकारले संस्कृति मास्न खोजेको आरोप लगाउँदै समयमै नसच्चिए सरकार नै मासिने चेतावनी दिए ।

प्रदर्शनकारीहरूले सरकारविरोधी नारा लेखेका विभिन्न प्लेटकार्ड समेत बोकेका थिए । मङ्गलबार नै सरकारले वियेधक फिर्ता लिने घोषणा गरे पुनः विधेयक अघि बढाउन सक्ने आशङ्का  प्रदर्शनकारीहरूको रहेको छ।