अक्षय कुमारको खतरनाक स्टन्ट हेर्नुहोस
काठमाडौं – बलिउड अभिनेता अक्षय कुमार आफ्नो आगामी फिल्म सूर्यवंशीमा शानदार याक्सन सिनका साथ देखिने भएका छन् ।
उनले केही दिनअघि आफ्नो इन्स्टाग्राम अकाउन्टमा एउटा सीनको भिडियो शेयर गरे । त्यसमा उनी हेलिकप्टरमा झुण्डिएको देखिन्छ ।
टाढाबाट खिचिएको भिडियोमा अक्षय हेलिकप्टरको तल्लो भागमा गोडाको भरमा झुण्डिएको देखिन्छ । तल जमीनमा रोहित शेट्टी स्पोर्ट्स बाइक चलाइरहेका देखिन्छन् ।
हेलिकप्टर पहिला त स्लो स्पीडमा बाइकनजिक पुग्छ अनि रोहित शेट्टीले अघि बढ्ने इशारा दिएपछि हेलिकप्टर मास्तिर उडेर शार्प टर्न लिन्छ । यो पूरै अवधिभर अक्षय हेलिकप्टरमा झुण्डिएका देखिन्छन् ।
भिडियो हेर्दा पनि आङ सिरिंग हुन्छ । अक्षयले यसलाई शेयर गर्दै मानिसहरूलाई स्टन्ट ट्राई नगर्न आग्रह गरेका छन् ।
सूर्यवंशी सन् २०२० को मे महिनामा रिलिज हुनेछ ।