धनुषामा हावाहुरीको बितण्डा : एकको ज्यान गयो

धनुषा – हावाहुरीसङ्गै आएको वर्षाले धनुषामा एक महिलाको ज्यान गएको छ भने एक जना घाइते भएका छन् ।

धनुषाको मिथिला विहारी नगर पालिका वडा नं ७ तारापट्टी पछियारी टोल घर भएकी वर्ष ७२ को वरतो देवी दासको शनिबार राति १० आफ्नै घरमा एलबेस्टरको छाना खस्दा मृत्यु भएको जिल्ला प्रहरी कार्यालय धनुषाले जनाएको छ ।

हावाहुरीबाट सोही घरकी ७५ वर्षीया बिल्टी देवी दास घाइते भएकी छिन् । घाइतेको टाउकोमा गम्भीर चोट लागेको अहिले उनको उपचार जनकपुर अञ्चल अस्पतालमा भइरहेको छ । हावाहुरीले गरेको थप क्षतिको विवरण भने आउन बाँकी छ ।