प्रम ओलीले दिए मोदीलाई विजयी भएको भन्दै बधाई
काठमाण्डौं । भारतीय लोकसभा निर्वाचनको मतगणना जारी रहँदै प्रधानमन्त्री केपीशर्मा ओलीले भारतीय प्रधानमन्त्री नरेन्द्र मोदीलाई विजयी भएको भन्दै बधाई दिएका छन् ।
प्रधानमन्त्री ओलीले बिहीबार ट्विट गर्दै लोकसभा निर्वाचन २०१९मा अत्यधिक बहुमतले जितेकोमा बधाई दिएका हुन् ।
उनले आगामी दिनमा थप सफलताको कामना पनि गरेका छन् । आफूले नजिक रहेको काम गर्ने प्रतिक्षा गरिरहेको समेत जनाएका छन् ।
मोदी उनका प्रतिद्वन्दीभन्दा निकै अघि छन् । भारतीय निर्वाचन आयोगले मोदीको जितको औपचारिक घोषणा भने गरेको छैन ।
इजरायलका प्रधानमन्त्री बेन्जामिन नेतान्याहूँले पनि उनलाई जितको औपचारिक घोषणा अगावै बधाई दिएका छन् ।
I extend warmest congratulations to Prime Minister @narendramodi ji for landslide election victory in the Lok Sabha Elections 2019. I wish all success ahead. I look forward to working closely with you. #PMOIndia
— K P Sharma Oli (@kpsharmaoli) May 23, 2019