व्यापारीले कुटे धनगढीमा पत्रकार

काठमाडौँ- धनगढीको दिनेश एफएम र दिनेश खबरमा कार्यरत पत्रकार जनक विष्टलाई स्थानीय व्यापारीले आक्रमण गरेका छन् ।

समाचार संकलनका लागि गएका बेला व्यापारी तेजेन्द्र थापाले पत्रकार विष्टलाई आक्रमण गरेर घाइते बनाएका हुन् ।

त्रिनगर माध्यमिक विद्यालयको सटर भाडामा दिएको सम्बन्धमा रिपोर्टिङ गर्ने क्रममा थापाले पत्रकार विष्टलाई आक्रमण गरेको सँगै रहेका पत्रकार कैलाश जोशीले बताए ।

उनले विद्यालयका प्रधानाध्यापकसँग सटरका सम्बन्धमा जानकारी लिइरहेका बेला व्यापारी थापाले एकाएक आक्रमण गरेको बताए ।थापा त्रिनगर माध्यमिक विद्यालयको सटरमा व्यापार गरिरहेका छन् ।

कुटपिटमा संग्लन थापा भने कुटपिट गरे लगत्तै भागेका थिए। अहिले कुटपिटमा संग्लन थापालाई कारवाहीको माग गर्दै जाहेरी दिने तयारी भईरहेको छ। यस्तै घटनाप्रति नेपाल पत्रकार महासंघ जिल्ला शाखा कैलाली र सुदुर पश्चिम् प्रदेश समितीले गम्भिर ध्यानाकार्षण भएको जनाएको छ।