सबल नेपालले वृद्धाश्रममा मनायो ७ औं वार्षिक उत्सव

बुटवल – सबल नेपाल मिडिया स्थापनाको ८ औँ वर्षमा प्रवेश गरेको छ । मोफसलाई केन्द्रबिन्दु बनाएर समाचार सम्प्रेषण गर्दै आइरहेको सबल नेपाल साप्ताहिकले ८ औँ वार्षिक उत्सव भैरहवामा रहेको श्री सत्य शाही वृद्धाश्रममा मनाएको हो ।

सबल नेपाल विगतका वर्ष देखी नै सामाजिक कार्यमा अग्रसर रहेको छ । यस वर्षपनि भैरहवाका करिब २० जना वृद्धा आमाबुवाको बिचमा आफ्नो वार्षिक उत्सव मनाएको छ । मिडियाले धेरथोरै आर्थिक रकम खाद्यान्न सामाग्री सहयोग गरेको सबल नेपाल मिडियाका अध्यक्ष अमृत पाण्डेले बताए ।

उनले सबल नेपाल सदैव दिनदुखी हरूको सेवा सँगै सामाजिक कार्यमा अग्रसर रहिरहने र एउटा छुट्टै पहिचान बनाएर सञ्चार जगतमा होमिने समेत बताएका छन् ।