खैरो हिरोईन सहित कञ्चनपुरबाट दुई जना पक्राउ
पुनर्वास / कञ्चनपुर । कञ्चनपुरको दक्षिणी क्षेत्र पुनर्वासमा खैरो हिरोईन सहित दुई जना पक्राउ परेका छन् ।
बुधबार साँझ ५ बजेतिर से ५ प ६०९८ नम्बरको मोटरसाइकलमा धनगढी तर्फ जादै गरेका उनीहरु प्रहरी चेकजाँचका क्रममा पुनर्वास नगरपालिका-१०,दोंदा पुलबाट पक्राउ परेका हुन ।
पक्राउ पर्नेमा गोदावरी नगरपालिका-४ का २१ बर्षिय कर्म लामा र सोही ठाउँका २० बर्षिय दिपक साउँद रहेका छन् । पक्राउ गरिएका उनीहरूबाट ६० मिलिग्राम ब्राउन सुगर (खैरो हिरोईन ) , स्पास्म १० ट्याब्लेट र नाईट्रोभ्याट ३ ट्याब्लेट बरामद गरिएको प्रहरीले जनाएको छ ।