गोप्यरुपमा प्रचण्ड र भुटानका पूर्वप्रधानन्त्रीको भेटको रहस्य के ?
भुटानका पूर्वप्रधानमन्त्री छिरिङ तोग्बेले नेकपा अध्यक्ष पुष्पकमल दाहाल प्रचण्डसँग भेट गरेका छन् । तोग्बेले शनिबार प्रचण्डलाई भेटेर आज स्वदेश फर्किएका छन् ।
उनले स्वदेश फर्कनु अघि अध्यक्ष प्रचण्डसँग गाेप्य भेट गरेको तस्बीर पोष्ट गरेका छन् । उनीहरुबीच के कस्ता विषयमा छलफल भए भन्ने खुलाइएको छैन् ।
उनले आफूले हिजो पूर्वप्रधानमन्त्री प्रचण्डसँग उनकै निवासमा भेटेको सामाजिक सञ्जालमार्फत जानकारी गराएका छन् ।
उनको पार्टी केही महिनाअघि भएको निर्वाचनमा पराजित भएको थियो । उनले नेपाल भ्रमणको क्रममा कुरिनटारमा भ्रमण गर्नुका साथै इसिमोडका अधिकारीहरुसँग भेटघाट गरेको समेत उल्लेख गरेका छन् । आफ्नो भ्रमणलाई निजी भन्दै भ्रमण उपयोगी र रमाइलो भएको समेत जनाएका छन् ।