चुप-चाप सीके !

लहानमा सीके राउतको नागरिक अभिनन्दन भएन, पहिलो प्रदर्शन कार्यक्रम नै फितलो देखियो ।

सीके राउत नेतृत्वको नव गठित जनमत पार्टीले पार्टी घोषणाको भोलिपल्ट (आज) लाहानमा कार्यकर्तासहितको जुलुस प्रर्दशन गरेको छ । पार्टी घोषणापछि आयोजना गरिने घोषणा गरिएको सो प्रर्दशनमा राउतले सम्वोधन गर्ने बताइएको थियो ।

तर राउतले कार्यकर्तालाई सम्वोधन गरेनन् । सरकारसँग ११ बुँदे सहमतिपछि पार्टी घोषणा गरेका राउतलाइ सिराहामा नागरिक अभिनन्दन गरिने भनिएको थियो । तर उनको नागरिक अभिनन्दन समेत भएन ।

पार्टीको व्यानरमा लहानस्थित मारवाडी सेवा सदनबाट जुलुस निकालेर लहानको विभिन्न भागमा परिक्रमा गरिएपनि कुनै नेताले सम्वोधन भने गरेनन् । शहिद पार्क पुगेर मधेस आन्दोलनका शहिद रमेश महतोको शालिकमा डा. राउतले माल्यार्पण भने गरेका छन् ।