आफ्नै श्रीमानको हत्या गर्ने श्रीमती र प्रेमी पक्राउ

धनकुटा । तीन महिनाअघि हिलेमा सञ्चालित मिनी मेलामा इटहरी–१५ का रामबाबु चौधरीको हत्यामा संलग्न दुई जनालाई प्रहरीले सार्वजनिक गरेको छ । अनुसन्धानपछि धनकुटा प्रहरीले मृतककी श्रीमती र उनकी प्रेमी पक्राउ गरी सार्वजनिक गरेको हो ।

प्रहरीले पत्रकार सम्मेलन गर्दै मृतक चौधरीको श्रीमती सुनसरीको इटहरी–१५ वस्ने २९ बर्षीय प्रिया चौधरी र उनका प्रेमी भनिएका सुनसरीको बराह क्षेत्र नपा–५ कालाबन्जरका ३१ बर्षीय सबिन राईलाई सार्वजनिक गरेको हो ।

उक्त घटनामा आफ्नै श्रीमतीले प्रेमीसँग मिलेर श्रीमानको हत्या गरेको अनुसन्धानबाट खुलेको जिल्ला प्रहरी कार्यालय धनकुटाका एसपी सुरेन्द्रबहादुर गुरुङले बताए । श्रीमानको हत्यापछि विवाह गर्ने सल्लाहमा प्रियाले राईलाई उक्साएको अनुसन्धानमा खुलेको प्रहरीले बताएको छ ।