नेपाल आइडलको टप ४ मा पुगेका रवि वडलाई धनगढीमा भव्य स्वागत

कैलाली । नेपाल आइडल सिजन–२ को टप ४ मा पुग्न सफल रवि ओडलाई सुदुर पश्चिम् प्रदेशको अस्थायी राजधानी धनगढीमा शनिबार भव्य स्वागत गरिएको छ । शनिबार बिहान धनगढी विमानस्थलमा बाजागाजासहित रविलाई भब्य स्वागत गरिएको हो ।

रविलाई शनिबार धनगढी नगरपरिक्रमा गराउने र त्यस लगत्तै जिल्लाका विभिन्न स्थानमा हुने सांगीतिक कार्यक्रममा रविले सहभागिता जनाउने कार्यक्रम रहेको बताइएको छ ।

विमानस्थलमै आयोजित पत्रकार सम्मेलनमा बोल्दै रविले यो स्थानसम्म साथ दिने सबै समर्थकलाई धन्यवाद व्यक्त गरेका छन् । साथै उनले , शुक्रबार प्राविधिक समस्याका कारण आफुलाइ भोट गर्दा अमृतको नाम देखाए पनि भोट आफ्नै नाममा गएको बताए । शुक्रबार प्राविधिक समस्या भएको हुँदा एपी वान तथा आइडलको गल्ती नभएको रविले बताए ।

आफू तीनदिनसम्म सुदूरपश्चिमै रहने बताउदै रविले आफुलाइ माया अनि साथ दिएर यहासम्म पुर्‍याउने सम्पूर्णलाइ धन्यवाद दिए । साथै रविले आगामी दिनमा पनि यही मायाको अपेक्षा गरेको बताए ।उनले भने , ‘ अब ग्रान्ड फिनाले आउँदै छ त्यसैले झन् बढी तपाईंहरुको साथको खाँचो आवश्यक परेको छ ।’