कैलालीको धनगढीमा हत्यागरी घिसार्दै गरेको अवस्थामा एक जना पक्राउ

कैलाली । कैलालीको धनगढीमा गएराति एक जनाको हत्या भएको छ ।

धनगढी उपमहानगरपालिका -४ नजिकै शुक्रवार राती करिब ९ बजेको समयमा सोही वडाका अन्दाजी २७ वर्षिय विजय थापाको हत्या भएको प्रहरीले जानकारी दिएको छ ।

राति गस्तीमा गएको प्रहरीको टोलीले थापाको हत्या गरि घिसार्दै लैजाने क्रममा धनगढी उप–महानगरपालिका वडा नम्वर ४ कै आषिश सेटीलाई पक्राउ गरेको हो ।

घटनाबारे अनुसन्धान चलीरहेको जिल्ला प्रहरी कार्यालय कैलालीले जानकारी दिएको छ । थापाको शव र घाईते सेटीलाई सेती अञ्चल अस्पतालमा राखिएको प्रहरीले जनाएको छ । सांकेतिक तस्बिर :