अछाममा ट्याक्टर दुर्घटना हुँदा एक महिलाको ज्यान गयो
अछाम । अछाममा ट्याक्टर दुर्घटना हुँदा एक महिलाको ज्यान गएको छ ।
साँफेबगर नगरपालिका-४ स्थित सृजना चोकमा लु १ त ५१०१ नम्बरको ट्याक्टर दुर्घटनामा परि मंगलसेन- ४ नागातोलाकी अन्दाजी ३५ वर्षिया मैनादेवी धामीको ज्यान गएको छ भने अन्य पाँच जना गम्भीर घाइते भएका प्ररहरीले जनाएको छ ।
स्थानीयलाई बोकेर छिमेकी तिमिल्सेना गाउँमा पूर्णीका दिन (आज) लाग्ने दशैं मेला हेर्न जान लागेको ट्याक्टर पल्टिएको प्रहरीले जनाएको छ । दुर्घटनामा परि घाईतेहरुलाई उपचारका लागि बयलपाटा अस्पताल लगिएको प्रहरीले जानकारी दिएको छ । तस्वीर :सामाजिक संजाल