झुन्डिएको अवस्थामा कैलालीमा एक महिलाको शव फेला

वीरेन्द्र शाह / सुखड,कैलाली ।
कैलालीको घोडाघोडी नगरपालिका – ४ जनकपुरमा झुुन्डिएको अवस्था एक महिलाको शव फेला परेको छ ।

जनकपुरको मेलघण्टी सामुदायिक वन भित्र जमुनाको रुखमा झुन्डीएको अवस्थामा अन्दाजी ३४ वर्षका बिरु देवी साउदँ (बिमला) को शव फेला परेको इलाका प्रहरी कार्यालय सुखडका प्रहरी निरिक्षक यक्षराज जोशीले जानकारी दिए ।

महिला जनकपुर कै स्थानिय बासी शेर बहादुर साउदँकी श्रीमती भएको बताईएको छ । सामान्य घरायसी विवाद भएपछि बुधबार देखी बिरु देवी साउदँ (बिमला) घर बाट हराएको परिवारले बताएका छन । शव पोस्टमार्टमको लागी धनगढी स्थित सेती अन्चल अस्पतालमा पठाएको इलाका प्रहरी कार्यालय सुखडले जनाएको छ ।

शुक्रबार बिहान स्थानियहरुले जंगलमा बाख्रा चराउने क्रममा रुखमा झुढिएको अवस्था महिलाको शव देखेपछि प्रहरी लाई खबर गरेका थिए । साङ्केतिक तस्बिर :