अवैध कपडासहित कैलालीमा दुई मोटरसाइकल बरामद

कैलाली । सशस्त्र प्रहरी बल, कैलाली ३४ नम्बर गणले भन्सार छलेर ल्याइँदै गरेको कपडासहित दुई थान मोटरसाइकल नियन्त्रणमा लिएको छ ।

सशस्त्र प्रहरीले घोडाघोडी नगरपालिका- ७ विजुलिया पुलबाट रेडिमेड कपडाहरु बोकेर आउँदै गरेका से ४ प ३९०८ र से ४ प २०३० नम्बरको मोटरसाइकल नियन्त्रणमा लिएका गणका प्रमुख सशस्त्र प्रहरी नायब उपरीक्षक डिएसपी  विष्णुप्रसाद भट्टले जानकारी दिए ।
नियन्त्रणमा लिई भन्सार बुझाइएका २ थान मोटरसाइकल सहित सामानहरुको मूल्य २ लाख ३९ हजार ८ सय रुपैयाँ कायम गरिएको डीएसपी भट्टले जानकारी दिए ।

गणले यसअघि गत असोज ६ गते सोही स्थानबाट दुई थान मोटरसाइकल र रेडिमेड कपडाहरु नियन्त्रणमा लिएर भन्सार कार्यालय बुझाएको थियो । खुला सिमानाका  कारण चोरी तस्करी भइरहेेेेको समेत भट्टले बताए ।