भारतीय सेना प्रमुखलाई विश्वप्रकाशको कडा चेतावनी !
काठमाडौं । बिमस्टेक राष्ट्रका सेना सम्मिलित संयुक्त सैन्य अभ्यासमा नेपालले सहभागिता नजनाएपछि भारतीय सेनाध्यक्षले नेपालको सार्वभौमसत्तामै खलल पुग्ने गरी अभिब्यक्ति दिएको भन्दै त्यसको चर्को आलोचना भएको छ ।
रावतले बिमस्टेक मुलुकबीच भएको सैन्य अभ्यासको समापन गर्दै नेपाल र भुटान नेपालसंग नझुकी सुख नपाउने अभिब्यक्ति दिएका थिए ।
भारतीय स्थल सेनाध्यक्ष विपिन रावतले बिमस्टेक मुलुकबीच भएको सैन्य अभ्यासको समापन गर्दै नेपाल र भुटान नेपालसंग नझुकी सुख नपाउने अभिब्यक्ति दिएका थिए ।
रावतले नेपालले आफुलाई भारतबाट अलग गर्ने सोचाइमा छ भने त्यो अन्यथा हुने दावी गरेका थिए । उनले नेपाल र भुटानले भारत बाहेक अन्य राष्ट्रसंग झुकाव राख्न नसक्ने दावीसमेत गरेका थिए ।
गत भदौ १४ र १५ गते नेपालमा सम्पन्न बिमस्टेक सम्मेलनले संयुक्त सैन्य अभ्यास गर्ने भन्दै संयुक्त रुपमा सैन्य अभ्यास गर्ने र त्यो सम्मेलन भारतको पुनेमा हुने घोषणा गरिएको थियो ।
नेपालले शुरुमा सैन्य अभ्यासमा सहभागी हुने जानकारी दिएपनि अन्त्यमा गएर सैन्य अभ्यासमा सहभागि नहुने घोषणा गरेपछि भारत नेपालसंग असन्तुष्ट भएको हो ।
नेपाली सेनाले समेत सैन्य अभ्यासमा जानको लागि एउटा टुकडी नै तयार पारेको भएपनि मुलुकमा उक्त निर्णयको चर्को बिरोध हुन थालेपछि सरकारले पर्यबेक्षकको रुपमा मात्र सहभागीता जनाउने निर्णय गरेको थियो ।
नेहरुले पनि माफी मागेका थिए –विश्वप्रकाश शर्मा
नेपाली काँग्रेसले यसको रावतको भनाइप्रति विरोध जनाएको छ । काँग्रेस प्रवक्ता विश्वप्रकाश शर्माले समाजिक संजाल ट्वीटरमा ट्वीट गरी ‘भारतीय सेनाध्यक्षको नेपाल टिप्पणी गम्भीर छ ! कुन दल के धारणा बनाउंछन्, त्यो दोस्रो कुरा हो । नेपाल राज्यले हाम्रो साझा र प्रष्ट दृष्टिकोण प्रष्ट भाषामा व्यक्त गर्न जरुरी छ ! हेक्का रहोस् उस जमानामा नेहरुले मागेका थिए माफी ! राज्य दुब्ला भए रास्ट्र मोटाउन्या है कमरेड !!’ भनेका छन् ।
उनले यो सन्देशमार्फत भारतीय सेनाध्यक्षले माफी पनि माग्नुपर्ने जनाएका छन् ।