प्रदेश नं ७ का प्रदेश सांसद अमर साउदद्बारा खेल मैदान अनुगमन

लक्ष्मी भट्टराई / पहलमानपुर ।
कैलालीको घोडाघोडी नगरपालीका -१० पहलमानपुरमा भर्खरै निर्माण गरिएको खेलकुद मैदानको माननिय प्रदेश सभा सांसद अमर साउद लगाएतको एक टोलीले शनिबार अनुगमन गरेको छ ।सो खेलकुद मैदान युवा संजालको प्रयास साथै नगरपालिकाको २ लाख तथा स्थानियको ५१ हजार ५ सय को जनश्रमदानमा निर्माण भएको हो ।

वडा स्तरिय खेलकुद मैदानलाई ब्यबस्थित खेलकुद मैदानको रूपमा अघि बढाउन प्रदेश स्तरमा खेलकुदका लागी छुट्याईएको आ.व. २०७५/७६ को रकम यस घोडाघोडी नगरपालिका वडा नं १० स्तरिय खेलकुद मैदानलाइ व्यवस्थित खेलकुद मैदानको रूपमा अगाडी बढाउन सक्दो पहल गर्ने माननिय सांसद साउदले बताउनु भयो । एकै आर्थिक वर्षमा ब्यबस्थित रूपमा सम्पन्न गर्न नसकेता पनि आफ्नु पहल सदा यस क्षेत्रको खेलमैदानका लागी लागीपर्ने सांसद साउदले बताउनु भयो ।

खेल मैदान अनुगमन संगै घोडाघोडी नगरपालिका १० अन्तरगत रहेको वर्षेनी कटानको उच्च जोखिममा रहेको कान्द्रा नदी तटबन्धनको समेत अनुगमन गर्नु भएको थियो । अनुगमनका क्रममा माननिय प्रदेश नं ७ का प्रदेश सभा सांसद अमर साउद , घोडाघोडी नगरपालिका १० का वडा अध्यक्ष भिम बहादुर बम , वडा सदस्य राम प्रसाद भण्डारी ,युबा संजाल अध्यक्ष पूर्ण बडुवाल , शिक्षक नरबहादुर देउवा लगाएत यसै क्षेत्रका बुद्धीजिवी , समाजसेबी , संचारकर्मी लगायतको सहभागीता रहेको थियो ।