खेलमैदान निर्माण भएसङ्गै खेलप्रेमी हर्षित

लक्ष्मी भट्टराई
पहलमानपुर ,कैलाली । कैलालीको घोडाघोडी नगरपालिका -१० पहलमानपुरमा खेलमैदान निर्माण भएको छ ।

युबाहरूको सर्वङ्गीन विकाशका लागी खेल अपरिहार्य रहेकाले खेलकुदमा यस क्षेत्रका युबाहरूलाई सबल बनाउन खेल मैदानको ब्यबस्था गरिएको घोडाघोडी नगरपालिका वडा नं १० का वडा अध्यक्ष भिम बहादुर बमले बताउनु भयो । खेलकुद निर्माण क्षेत्र बाढी प्रभाबित क्षेत्र भएका कारण केही चुनौती रहेको समेत बमले बताउनु भयो ।

१०० मिटर लम्बाई तथा ५२ मिटर चौडाई रहेको सो खेलकुद मैदान राधा – कृष्ण सामुदायिक संगै रहेको छ । घोडाघोडी नगरपालिकाको २ लाख आर्थिक सहयोग तथा स्थानियको ५१ हजार ५ सय रूपैया बराबरको जनश्रमदान बाट सो खेलकुद मैदान युबा संजालको नेतृत्वमा निर्माण सम्पन्न भएको हो ।

खेलमैदान मात्रै सम्पन्न भएको र खेल मैदानलाई थप ब्यवस्थित गर्नका लागी बिभिन्न निकायको साथ समर्थन आवश्यक रहेको घोडाघोडी नगरपालिका वडा नं १० युबा संजालका अध्यक्ष पुर्ण बडुवालले बताउनु भयो । खेलमैदान निर्माण संगै यस क्षेत्रका खेलप्रेमीहरू थप खेलप्रती उत्साहित भएका छन ।