आज निखिलको ४२ औ जन्मदिन !
एक्शन किङ्ग भनेर चिनिने नायक निखिल उप्रेतीको आज जन्म दिन परेको छ । आजबाट ४३ औ बसन्तमा टेकेको उनले बताएका छन । नेपाली फिल्म पिँञ्जडाबाट डेब्यु गरेका उनले पिँञ्जडा ब्याक अगेनसम्म आउँदा सयौं फिल्म नेपाली दर्शकलाई दिइसकेका छन ।अधिकांश हिट फिल्म दिएका उनी पछिल्लो समय निर्देशक र निर्माणमा पनि अघि बढिरहेका छन ।
फिल्म क्षेत्रमा दशक बढि समय दिएका उनी फिल्म क्षेत्रमा प्रबेश गरेदेखी नेपाली फिल्मको एक्शनमा परिबर्तन भएको मानिन्छ । पछिल्लो समय उनले निर्माण तथा निर्देशन गरिरहेको फिल्म कमिटमेन्ट सिक्स्टी आवर्स निर्माणको चरणमै रहेको छ ।हाल फिल्मसँगै उनी समाजिक कार्यमा पनि लागिरहेका छन । निखिलको फिल्मी यात्रा अझै लम्कियोस हाम्रो शुभकामना ।