नदी किनारमा २ जनाको शव फेला

दार्चुला । दार्चुलाको चमेलिया नदी किनारमा बुधबार २ जनाको शव फेला परेको छ । दार्चुलाको शैल्यशिखर नगरपालिका वडा नम्बर २ का अन्दाजी ५२ वर्षीय गोपालदत्त जोशी र बैतडी, डिलाशैनी गाउँपालिका–३ का ३२ वर्षीय धिर्क बोहराको शव फेला परेको इलाका प्रहरी कार्यालय गोकुलेश्वरका प्रहरी नायब निरीक्षक जयानन्द नाथले जानकारी दिनुभएको छ ।

दार्चुलाका जोशीका शव खोला नजिक फेला परेको हो भने बैतडीका बोहराका शव पङ्शेरा नजिक फेला परेको प्रहरी नायब निरीक्षक नाथले बताउनु भयो । बजार जान्छु भन्दै मंगलबार घरबाट हिँडेका शैल्यशिखर नगरपालिका २ का जोशीको शव बुधबार नदीमा फेला परेको जिल्ला प्रहरी कार्यालय दार्चुलाले जनाएको छ ।

जोशीको शव गोकुलेश्वर अस्पतालमा पोष्टमार्टम गरी आफन्तको जिम्मा लगाइएको छ भने बोहराको शव पनि आफन्तको जिम्मा लगाइएको प्रहरी नायब निरीक्षक जयानन्द जोशीले बताउनु भयो ।