अबैध घरेलु मदिरा बरामद गरि नष्ट

विशाल पाण्डेय

सुखड ,कैलाली । कैलालिको घोडाघोडी नगरपालिका- २ साढेपानी बनघर बाट अबैध घरेलु मदिरा तथा मदिरा बनाउन प्रयोग गरिने कच्चापदार्थ बरामद गरि नष्ट गरिएको छ ।

निमित्त प्रहरी प्रमुख बिदुर चन्दको नेतृत्वमा खटिएको टोलिले बुधबार होटल तथा घरहरू बाट करिब २०० लिटर घरेलु मदिरा बनाउने कच्चापदार्थ र मदिरा बरामत गरि नस्ट गरिएको हो ।

बरामद भएको अवैध घरेलु मदिरा र त्यसमा प्रयोग हुने कच्चा पदार्थ बरामद गरी इलाका प्रहरी कार्यालय सुखडका प्रहरी प्रमुख कर्ण सिंह कार्की , जिल्ला प्रशासन कार्यालयका प्रतिनिधि , स्थानिय बुद्धिजीवी ,सर्वसाधारण तथा पत्रकारहरुको रोहवरमा नष्ट गरिएको हो ।

प्रहरीले कच्चापदार्थ , ३ वटा ड्रम , ५ वटा गेलेन र मदिरा बनाउन प्रयोग गरिने भाडा समेत नियन्त्रणमा लिएको थियो ।