बोक्सीको आरोपमा राधालाई कुटपिट गर्ने किस्मतीले कैलाली कारागारबाट परिक्षा दिदै 

कैलाली । कैलालीको घोडाघोडी नगरपालिका – ५ देउकलीयामा फागुन २४ गतेका दिन स्थानीय १८ बर्षिया राधा चौधरीलाई बोक्सीको आरोपमा कुटपिट गर्ने भोलेबाबा भनिने राम बहादुर चौधरीको  सहयोगी किस्मती चौधरीले कैलाली कारागारबाट माध्यमिक शिक्षा परिक्षामा सहभागि भएकी छन् ।

घोडाघोडी नगरपालिका १ स्थित राष्ट्रिय माध्यमिक विद्यालयमा कक्षा १० मा पढ्दै आएकी किस्मती चौधरी राधाको कुटपिटका संलग्न रहेको भन्दै प्रहरीले मुद्धा दायर गरेको छ । उनले जिल्ला कारागारबाट परिक्षा दिइरहेको जिल्ला प्रहरी कार्यालय कैलालीका प्रमुख प्रहरी उपरिक्षक बिनोद घिमिरेले जानकारी दिनुभयो । “कारागारमा अन्य एक जना परिक्षार्थी छन् उनलाई पनि त्यहि राखियो” प्रहरी उपरिक्षक घिमिरेले भन्नुभयो ।