घोडाघोडी नगरपालिकाद्बारा  मन्त्रि तथा सांसदहरुलाई सम्मान कार्यक्रम सम्पन्न

हिमाल पोस्ट /सुखड ,कैलाली ।
घोडाघोडी नगरपालिकाको आयोजनामा प्रदेश नम्बर ७ का सामाजिक बिकास मन्त्रि र्दिघ सोडारि तथा सांसद अमर साउद र रतन थापालाई आज एक कार्यक्रमका बिच सम्मान गरिएको छ ।

घोडाघोडी नगरपालिकाका नगर प्रमुख ममता प्रसाद चौधरीको सभापतित्वमा सम्पन्न भएको  कार्यक्रममा घोडाघोडी नगरपालिकाका बिभिन्न वडाका वडा अध्यक्ष कार्यपालिका सदस्य तथा बिभिन्न राजनितिक दलका प्रतिनिधिहरुको सहभागिता रहेको थियो ।

कार्यक्रमलाई सम्बोधन गदै मन्त्रि सोडारिले जनताको ईच्छा र आवश्यकता अनुसार बिकास निर्माणका  काम संचालन गर्ने बताउनु भयो । साथै उहाँले घोडाघोडी नगरपालिकाको समृद्धिका  लागि आफुले विशेष  रुपमा पहल गर्ने प्रतिबद्धता समेत जनाउनु भयो ।

घोडाघोडी नगरपालिकाकि  नगर उप प्रमुख प्रेम कुमारी थापाको स्वागत मंन्तब्य सङ्गै सुरुभएको कार्यक्रमको संचालन नगरपालिकाका प्रशासकिय अधिकृत कृतन राज पौडेलले गनुभएको थियो ।