नेपाल जेसीज वर्ष २०१८ को बोर्ड सल्लाहकारमा शाह नियुक्त

लोकेन्द्र रावल / टीकापुर ,कैैैलाली ।।
नेपाल जेसीजले आफ्नो राष्ट्रिय सल्लाहकारको बोर्डमा प्रकाश शाहलाई आईतबार नियुक्त गरेको छ । उहाँलाई वर्ष २०१८ को नेपाल जेसीजको अभियानलाई सार्थक बनाउनका लागि भन्दै सल्लहकारमा नियुक्त गरिएको हो ।

युवाहरुको नेतृत्व विकास, व्यक्तित्व विकास, उद्धमशिलताको विकास संगसंगै समाजमा सक्रिय नागरिकको भुमिका निर्वाह गर्न जेसीआईको ध्येय र लक्ष्य प्राप्तीका लागि जेसीजको आधार स्तम्भलाई आफ्नो अनुशासन बनाई वर्ष २०१८ मा प्रभावकारिता सहितको सक्रिय क्रियाशिलताको अपेक्षा सहित नेपाल जेसीजका अध्यक्ष सिनेटर श्रीधर बस्याल ले शाहलाई नियुक्त गर्नुभएको हो ।

नेपाल जेसीजको विधान परिच्छेद ८ को धारा ८.४ बमोजिम शाहलाई वर्ष २०१८ को नेपाल जेसीज बोर्डको सल्लाहकारमा नियुक्त गरिएको हो । शाहले जेसीजको अभियनलाई सार्थक परिणाम सहित उच्च स्थानमा पुर्‍याउनु हुने अपेक्षा नेपाल जेसीजले लिएको छ । शाह टीकापुर जेसीज वर्ष २०१६ का अध्यक्ष हुनुहन्थ्यो ।