देबदहमा सडक दुर्घटनामा एकको ज्यान गयो

बुटवल ।  रुपन्देहीमा शनिबार रोकिएको ट्रकमा मोटरसाइकल ठोक्किँदा मोटरसाइकल चालकको ज्यान गएको छ ।

क्षेत्रीय ट्राफिक प्रहरी कार्यालय बुटवलका अनुसार देवदह–६ खैरेनीमा रोकिएको ना ४ ख २९४६ नम्बरको ट्रकमा पूर्व जाँदै गरेको लु १९ प १७१९ नम्बरको मोटरसाइकल ठोक्किएको हो ।

घटनामा मोटरसाइकल चालक बुटवल उपमहानगरपालिका –१४ तामनगर बस्ने २८ वर्षका प्रबुद्धरोशन श्रेष्ठको घटनास्थलमै ज्यान गएको क्षेत्रीय ट्राफिक प्रहरी कार्यालय बुटवलले जनाएको छ ।