बाबुराम र हिसिला सुटुक्क प्रचण्ड निवासमा

काठमाडौं ।

नयाँ शक्ति नेपालका संयोजक डा. बाबुराम भट्टरार्इ र नेतृ हिसिला यमि आइतवार विहान नेकपा माओवादी केन्द्रका अध्यक्ष पुष्पकमल दाहाल प्रचण्ड निवास खुमलटार पुगेका छन् । आइतवार विहान १० बजे भएको भेटमा समसामायिक राजनीतिक बिषयमा छलफल भएको प्रचण्डको सचिवालयले  जानकारी दिएको छ ।

अहिलेको राजनीतिक घटनाक्रम र अब बन्ने नयाँ सरकारको विषयमा छलफल भएको स्रोत जानकारी दिएको छ । प्राप्त जानकारी अनुसार अब बन्ने सरकारमा भट्टराई पनि सहभागि हुन चाहेको भेटमा छलफल भएको थियो । भट्टराई प्रचण्डको यो भेटलाई अर्थपूर्ण रुपमा हेरिएको छ । एकाथरि नेताहरुले भट्टराई र प्रचण्ड नजिकिन थालेको पनि विश्लेषण गर्न थालेका छन् भने अर्काथरिले सरकारमा भट्टराई हुन खोजिएको विश्लेषण गर्न थालिएको छ ।