सहमति भैसक्यो आलोपालो प्रधानमन्त्री बन्छौँ : प्रचण्ड
चितवन ।
माओवादी केन्द्रका अध्यक्ष पुष्पकमल दाहाल प्रचण्डले आफुहरुको सहमति भैसकेकोले एमाले र माओवादीबाट आलोपालो प्रधानमन्त्री बन्ने बताएका छन् ।
चितवन क्षेत्र नः ३ बाट निर्वाचित भएपछि जिल्ला फर्केका अध्यक्ष प्रचण्डले भरतपुर विमानस्थलमा सञ्चारकर्मीहरुसँग कुरा गर्दै पार्टी एकता गर्न कुनै अप्ठ्यारो नभएको बताए । पार्टी एकता संयोजन समितिको बैठक केहीदिनमा नै राखेर थप अघि बढ्ने उनले बताए ।
राष्ट्रियसभा र सरकार गठनबारे पाँच दलमा गम्भीर छलफल भएको तर, सहमति नजुटेको उनले बताए । ‘सरकार गठनका लागि कुुनै समस्या छैन निर्वाचन आयोगले पनि तयारी गर्दैछ’ अध्यक्ष प्रचण्डले भनेका छन् ।