रूपन्देहीका राष्ट्रिय स्वतन्त्र पार्टीका उम्मेदवारको घरमा शंकास्पद बस्तु भेटियो

रूपन्देहीका एक उम्मेदवारको घरमा शंकास्पद बस्तु फेला परेको छ । रुपन्देही क्षेत्र नम्बर २ मा राष्ट्रिय स्वतन्त्र पार्टीबाट उम्मेद्वारी दिएका गणेश पौडेलको घरको गेटमा शंकास्पद वस्तु फेला परेको हो।

आइतबार बिहान बुटवल उपमहानगरपालिका–१२ नयाँगाउँमा रहेको पौडेलको घरको गेटमा शंकास्पद फेला परेको बताइएको छ ।

शंकास्पद उक्त बस्तु बम हो या होइन भन्ने अहिलेसम्म यकिन भइसकेको छैन्। घटनास्थलमा प्रहरी उपस्थित भएपनि उक्त बस्तु पहिचान र बम भए डिस्पोजलका लागि सेना कुरिरहेको छ।

सेनाको बम डिस्पोजल टोली आएपछि बम हो होइन भन्ने यकिन हुने प्रहरीले जनाएको छ। शंकास्पद बस्तु भेटिएको घर नजिकै स्थानीयको भिड लागेको छ ।