कांग्रेसले घोषणापत्र सार्वजनिक नगर्ने

नेपाली कांग्रेसले प्रतिनिधि सभा र प्रदेश सभा निर्वाचनको घोषणापत्र पूर्व निर्धारित समयमा सार्वजनिक नगर्ने भएको छ।

प्रधानमन्त्री समेत रहेका पार्टी सभापति शेरबहादुर देउवाले कात्तिक ७ गते बिहान साढे १० बजे घोषणापत्र सार्वजनिक गर्ने कार्यक्रम तय भएको थियो। तर‚ घोषणा कार्यक्रम अनिश्चित कालका लागि स्थगन गरिएको कांग्रेस केन्द्रीय कार्यालयका मुख्यसचिव कृष्णप्रसाद पौडेलले जानकारी दिए।

यसअघि कात्तिक ६ गते साँझ ५ बजे घोषणा गर्ने भनिए पनि अन्तिम समयमा कार्यक्रम स्थगन गरिएको थियो।

आन्तरिक विवाद र तयारी पूरा नभएकाले घोषणापत्र सार्वजनिक नगरिएको कांग्रेसका एक पदाधिकारीले बताए।