भरतपुरमा जगन्नाथले मत बढाए, रेणु र बिजयको कति ?
चितवनको भरतपुर महानगरपालिकामा माओवादी केन्द्रकी उम्मेदवार रेणु दाहाललाई एमालेका उम्मेदवार विजयी सुवेदीले उछिनेका छन्।
भरतपुर ३ को मतगणना चलिरहँदा दाहाल भन्दा सुवेदी २३ मतले अघि छन्। विजय सुवेदीले ३ हजार २६३ मत प्राप्त गर्दा रेनु दाहालले ३ हजार २३९ मत प्राप्त गरेकी छन्।
कांग्रेसका बागी जगन्नाथ पौडेलले अहिलेसम्म १ हजार १४५ मत प्राप्त गरेका छन्।
उपमेयर तर्फ कांग्रेसका चित्रसेन अधिकारी अघि छन्। अधिकारीले ३ हजार ६१० मत प्राप्त गर्दा राप्रपाका हिमाल गुरुङले २ हजार ५९८ मत ल्याएका छन्।
भरतपुर ३ को वडाध्यक्ष एमालेका विकास थापा अघि छन्। उनले ५ सय ३९ मत प्राप्त गर्दा कांग्रेसका भरत लामिछानेले ३ सय ४५ मत प्राप्त गरेका छन्।