यसअघि एमालेले जितेका वडामा केशव स्थापितको बिजोग

काठमाडौं- काठमाडौं महागनरपालिकाको मतगणना सुरु भएसँगै प्रारम्भिक मत परिणाम आउन थालेको छ । रोचक त के छ भने सबैभन्दा बढी मत ल्याएर जित्छु भनेका केशव स्थापितको सुरुवाती अवस्था एकदमै खराब देखिएको छ ।

यसअघि नेकपा एमालेले नै जितेका वडाहरूका मतदाताले स्थापितलाई मत नदिएको आभाष हुन्छ । पछिल्लो प्राप्त विवरण अनुसार स्वतन्त्र उम्मेदवार बालेन शाह र कांग्रेसकी सिर्जना सिंह अघिपछि छन् । स्थापितले झिनी मत ल्याएका छन् ।

अहिले वडा नम्बर १ र ३२ को मतगणना हुँदा एमालेका उम्मेदवार केशव स्थापित भने सुरुवाती चरणमा पछाडि परेका छन् । यी दुवै वडा २०७४ सालको चुनावमा एमालेले जितेका थिए ।

७५ भोटको गणना हुँदा बालेनले २२, सिर्जनाले १८ र स्थापितले १३ भोट ल्याएका छन् । मतगणना अत्यन्तै प्रारम्भिक चरणमा रहेको हुँदा यसैका आधारमा हार जितको प्रक्षेपण गर्न भने सकिँदैन ।