गगन थापालाई ज्यालाको जोहो गर्दै शेरबहादुर तामाङ

काठमाडौँ – नेकपा एमालेका केन्द्रीय सदस्य शेरबहादुर तामाङले अध्यक्ष केपी शर्मा ओलीलाई ट्यूसन पढाउने भनेकोप्रति व्यंग्य गरेका छन् । बिहीबार सामाजिक फेसबुकमार्फत साँच्चै ट्युसन पढाउन आयो भने ज्याला चाहिँ के दिने होला भन्दै व्यंग्य गरेका हुन् ।

‘एक जना बबुरो बर्बराउँछ र भन्छ, ‘केपी ओलीलाई बालकोट गएर ट्युसन पढाउँछु,’ उनले भनेका छन्, ‘साँच्चै ट्युसन पढाउन आयो भने ज्याला (ट्युसन फी) त दिनु नै पर्ला । ज्याला चाहिँ के दिने होला ? लौ न बताईदिनु होला कमसेकम हामीलाई सजिलो हुनेछ ।’

बिहीबार नेपाली कांग्रेसका महामन्त्री गगन थापाले ओलीले भनेको समृद्धि र कांग्रेसले भनेको समुन्नतिमा धेरै भिन्नता रहेको बताएका थिए । ‘अलिकति भ्याएको बेला बालकोट गएर ट्युसन पढाउँछु । समृद्धिको आइडिया चोरेर लगिदेला भनेर अनिदो नबस्नु समृद्धि तपाईंकै आइडिया हो’ उनले भनेका थिए ।

ओलीले बुधबार कांग्रेसले एमालेको घोषणा पत्र चोरेको आरोप लगाएका थिए ।