हप्ताको दुई दिन सार्वजनिक बिदा दिने सरकारको निर्णय
काठमाडौं । सरकारले हप्ताको दुई दिन सार्वजनिक बिदा दिने भएको छ ।
मंगलबार बसेको मन्त्रिपरिषद्को बैठकले परीक्षणका लागि २०७९ जेठ १ गतेदेखि लागू हुने शनिबार र आइतबार सार्वजनिक बिदा दिने निर्णय गरेको हो ।
दुई दिन सार्वजनिक बिदा दिने भएसँगै सोमबारदेखि शुक्रबारसम्म विहान साढे ९ बजेदेखि साँझ साढे ५ बजेसम्म कार्यालय सञ्चालन गरिने सरकारका प्रवक्ता एवं सञ्चार तथा सूचना मन्त्री ज्ञानेन्द्रबहादुर कार्कीले जानकारी दिए ।
यस्तै, बैठकले गहुँको न्यूनतम समर्थन मूल्य प्रतिक्विन्टल ३१ सय ६५ रुपैयाँ तोकेको छ ।
त्यस्तै, विभिन्न देशमा हुने कार्यक्रममा सहभागी हुन मन्त्री लगायतका कर्मचारीलाई सैद्धान्तिक अनुमति दिने निर्णण् पनि बैठकले गरेको मन्त्री कार्कीले बताए ।