मकवानपुरमा पनि एमालेका दुई उम्मेदवार निर्विरोध निर्वाचित

बागमती । यही वैशाख ३० गते हुने स्थानीय तहको निर्वाचनका लागि मकवानपुरको इन्द्रसरोवर गाउँपालिकामा नेकपा एमालेबाट दुईजना वडा सदस्यमा निर्विरोध निर्वाचित भएका छन् ।

गाउँपालिकामा दलित महिलातर्फ दुईजना वडा सदस्यमा निर्विरोध निर्वाचित भएको निर्वाचन अधिकृतको कार्यालयले जनाएको हो ।

एमालेबाट दलित महिला सदस्य पदमा मनोयन दर्ता गराएकी उक्त गाउँपालिका-१ की लक्ष्मी दमाइ र सोही गाउँपालिका वडा नं ४ की सावित्रा सुनार निर्विरोध निर्वाचित भएका हुन् ।

ती वडामा अन्य कसैको पनि उम्मेदवारी नपरेकाले उनीहरू निर्विरोध निर्वाचित भएका हुन् ।