प्रचण्डको क्षेत्रमा रेखा थापाको हमला

काठमाडौं- राष्ट्रिय प्रजातन्त्र पार्टीले चुनावी अभियानलाई तिब्र बनाएको छ । सोमबारदेखि स्थानीय तहको निर्वाचनलक्षित देशव्यापी घरदैलो अभियान थालेको राप्रपा आक्रामक रूपमा लागिरहेको छ ।

रोचक त के छ भने कुनै समय माओवादी केन्द्रमा रहेर अध्यक्ष प्रचण्डसँगै सडकमा नाचेकी नायिका रेखा थापा प्रचण्डकै गृहक्षेत्रमा राप्रपालाई भोट माग्न पुगेकी छन् ।

प्रचण्डको चुनावी क्षेत्र चितवनमा सोमबार बिहानै देखि भोट माग्ब ब्यस्त छिन् रेखा । उनले अबको सहयात्री भनेको राप्रपा मात्रै भएको बताएकी छन् । प्रचण्डसँग लामो सहकार्य गरेकी रेखा पार्टी परिवर्तन गरेर राप्रपामा लागेकी थिइन् । त्यसयता रेखाले प्रचण्डको आलोचना गर्न थालेकी छन् ।

सोमबार चितवनका घरघरमा रेखा हात जोड्दै हिनेका तस्बिरहरू सामाजिक सञ्जालमा भाइरल बनेका छन व्हने प्रयोगकर्ताहरूले फोटो पोस्ट गर्दै प्रचण्डमाथि रेखाले हमला गरेको तर्क गरेका छन् ।