भारत भ्रमणमा प्रधानमन्त्री देउवाको कार्यतालिका यस्तो छ

काठमाडौं- प्रधानमन्त्री एवं कांग्रेस सभापति शेरबहादुर देउवाको भारत भ्रमण तय भएको छ । पुस २६ गते भारत भ्रमणमा जान लागेका देउवाले भारतीय समकक्षी नरेन्द्र मोदीसँग भेटवार्ता समेत गर्नेछन् ।

विश्वका केहि नेताहरूलाई बोलाइएको कार्यक्रम भाइब्रेन्ट गुजरात कार्यक्रमलाई सम्वोधन गर्न जान लागेका देउवाले अन्य नेताहरूसंग पनि भेट्नेछन् । देउवाले २६ गते भाइब्रेन्ट गुजरात सम्मेलनको उद्घाटन सत्रलाई सम्बोधन गर्ने कार्यक्रम तय भएको बताइएको छ ।

त्यसलगत्तै देउवा र मोदीबीच भेटवार्ता हुने बताइएको छ । यसपटक देउवाले मोदीसँग सीमाक्षेत्रको बारेमा प्रत्यक्ष कुरा गर्ने तयारी गरेको उनको सचिवालयले जनाएको छ । त्यसका अलावा देउवाले मोदीसँग दुईदेशबीच भएका यसअघिका सम्झौताका विषयमा समेत छलफल गर्ने तयारी गरेका छन्

प्रधानमन्त्री देउवाको सचिवालयका अनुसार उनले भारतीय समकक्षी नरेन्द्र मोदीसँग गान्धीनगरमै औपचारिक भेटवार्ता गर्ने छन् । यसका साथै देउवाले सबै भेटघाट कार्यक्रम गान्धीनगरमै गर्नेछन् ।